"Bebras" İnformatika Müsabiqəsi beynəlxalq Bebras təşəbbüsünün ərsəyə gətirdiyi bir müsabiqədir. Bu müsabiqə məntiqi oyunlar və suallar vasitəsilə İnformatika və Alqoritmik düşüncə tərzinin inkişafına dəstək verir.
"Bebras" müsabiqəsi dünyanın 35-dən çox ölkəsində keçirilməkdədir və bu say hər il artmaqdadır. Azərbaycan bu müsabiqəyə 2012-ci ildə qoşulmuş və Azərbaycan məktəbliləri ilk dəfə olaraq Beynəlxalq Bebras Həftəsində 2014-cü ildə, 82 məktəbdən olmaqla 4184 şagirdlə iştirak etmişdir.
Hal-hazırda liseyimiz bu müsabiqəyə qoşulmuşdur. Müsabiqəyə şagirdlərimiz login və şifrələri ilə sayta daxil olub, məsələrərin üzərində düşünüb və online cavablandırırlar. Bizim 9-11 sinif şagirdlərimiz müsabiqədə verilmiş məsələlərin çox maraqlı olduğunu söyləyirlər.
"Bebras" müsabiqə həftəsi (28 Noyabr-4 Dekabr ) liseyimizin hər bir şagirdi üçün uğurlu olsun!
